Казанда бер атна дәвамында барган Мөселман модасы атналыгын мөселман киеме дизайнерларының "Islamic-clothes” халыкара конкурсы тәмамлады. "Гранд тель Казан” кунакханәсендә бәйгенең иң-иң дип табылган 10 коллекциясе күрсәтелде. Гран-прига Казаннан "Әнниса” (гарәпчәдән тәрҗемә иткәндә хатын-кыз дигәнне аңлата) коллекциясе белән Наҗия Галимова лаек булды.

Наҗия Галимова "Мөхәммәдия” югары мөселман мәдрәсәсен уңышлы тәмамлап, дөньяви белемен КХТУ ала. Наҗиянең әйтүе буенча мөселман киемнәренә дизайн ясаганда аңа мәдрәсәдә алган белемнәре дә бик ярдәм итә.

Без аның бу уңышы өчен бик сөенәбез һәм эшендә тагында зурырак уңышларга ирешүен телибез – дип хәбәр итә мәдрәсә җитәкчелеге.